Novosti

CG:Izderanih cipela, oguljenih šapa

Star InactiveStar InactiveStar InactiveStar InactiveStar Inactive
 

Ovih lijepih oktobarskih i novembarskih nedelja strast nas vuče ponovo. Tradicionalni lov od kojeg lovac može imati samo štetu (uganuta noga,upala mišića ,potrošena koljena, izderane nove skupe gojzerice", oguljena puška"), a i pas osjetiti ujed poskoka.

Poraniti prije zore i zagaziti visoko u brdo, “čekati pjevanje" i izlazak prvog zraka na istoku.

Sa njenim prvim oglasavanjem od " ježenja kose do jakog lupanja srca u grudima" osjeti se nadolazak adrenalina. Pravi viteški lov gdje su sa jedne strane snaga, smjelost i vještina a na drugoj surovi kamenjar, brzi obrušavajući let i najljepša ptica ovih prostora (kamenjarka).

"Ćuliš uši" da što bolje  se oslušne i locira mjesto đe pjevaju. Poslije penjanja od par stotina metara zastaneš i oslušnes,misliš tu su a one na istom rastojanju ispod samog vrha. Kako zvuk zna da zavara. I dok hvataš vazduh punim plućima (ako niste pušač) da bi se izduvao, pas vam pokazuje da je našao trag i vuče ka njima ( uz brdo još 200 -300 m).

"Korak napred nazad dva" na momente i četvoronoške jer se sipar ispod nogu kotrlja i što prije uzbrdo ( "ako ne naprave let). Gledajući u psa koji već " kulira" spotičući se zadnjim atomima snage pristižemo ga, pa tako još 50 tak metara uzbrdo sa njim do pod litice. Često polete van dometa za pucanje ( stare i iskusne).

Ukoliko su u dometu i uspijete opaliti oba metka, pa čak i odstreliti to se smatra zbilja vrhunskom vještinom. A onda prateći ih pogledom u brisućem letu shvatite da ste na vrhu brda dok one " zavijaju u podnožju". Dešava se da dobar lovac odstreli "duplet " iz jata, a pošto je u našem udruženju  već godinama dozvoljen odstrel samo dva primjerka po izlasku ponosni lovac traži najkraći put da se spusti do prve kafane i spravom zasluženo se pohvali kolegama.

Uglavnom je veći problem " saći" niz brdo još ako je lov potrajao "malo duže" nerjetko se vjerni pomagači moraju nositi nazad jer su " ubili boga u sebe", dok na kamenjaru ostaju krvavi otisci oguljenih šapa.

U narednih nekoliko dana niti će se lovac veselo "dizat sa kauča" niti pomoćnik " izlazit iz kućice" dok obadva smišljaju taktiku za sljedeći lov.

Jarebica je ptica koja opstaje koju lov i lovci ne mogu istrebiti ili dovesti na rub opstanka.A i pored zabrane lova u trajanju od tri godine njeno se brojno stanje nije povećalo.Na sručnjacima ostaje da pronađu razloge.

Boro Krivokapić

izvor: fb LU”Orjen” Herceg Novi

Lov i još ponešto©2020 Sva prava zadržana. Design & SEO by NewNowMedia

Search